【杂锦情绪】

其实我决定要写呢篇日志之前，我都未霖好要写咩。静系觉得个脑里面有好多情绪同感想。

老Ben决定要消失一排，决定离开我哋呢个圈子一段时间，唔同我哋见面。但其实佢仲同我有联络，而且我想搵佢嗰阵随时都可以搵到。猫猫对老Ben嘅打击实在太大，或者其实呢个打击唔大，大家各散东西就算数喇，各人都应该开展各自嘅生活先系。但系老Ben嘅星盘中，水星落喺双鱼座，无形中将所有痛苦无边无际咁扩散，久久不能自拔。我霖大猫已经开始紧佢嘅新生活，努力读书，努力寻找一个佢爱嘅而且又爱佢嘅人。其实讲真嗰句，如果类似嘅事情发生喺我身上，我霖开头呢个月我都应该会情绪波动得好剧烈。但系我爱王文熙嗰阵，俾我发现咗一样嘢，就系，无论我有几爱嗰个人都好，我最爱嘅始终都系自己。当呢个人唔爱我之后，我就会千方百计为自己打算，喺情感沼泽里面抽身。呢个过程一d都唔容易，十分艰辛。我自认意志力唔强，韧性又唔够差。不过我都够胆选择呢条抽身嘅道路，我宁愿用十倍嘅痛苦去换日后嘅安宁，都唔想俾呢种冇结果嘅感觉折磨、摧残我嘅身心。其实几乎整个4月份都系水星逆行，呢段期间我晚晚黑都瞓唔好教。当我霖到我同佢嘅未来可以好美满，却又兜咗好多个弯嗰阵，真系非常心有不甘。但系我同自己讲，我哋两个之所以唔喺埋一起，原因系时机唔适合，条件唔允许。而且我系时候要为自己打算喇，之前我爱过咁多个人，放低对于我嚟讲系十分擅长做嘅事。其实我都算比较幸运咖喇，起码我爱嘅人，哪怕佢哋拒绝咗我都好，大家都可以成为最好嘅朋友。呢种感觉就好似战友，大家可以并肩作战，得闲调侃下对方，对方唔开心嗰阵，又可以Support到对方。我同老谢就系一个好例子，虽然我爱过佢，佢讲明白我哋点解唔可以喺埋一齐之后，到而家都仲系咁Friend。其实友情同爱情系两回事，我哋唔会因为爱情而对友情造成咩影响。但系就唔知点解，老Ben同大猫嘅今次决裂，会令我哋呢个朋友圈产生咗些微嘅变化。

我寻晚同老Ben语音嗰阵，佢问我：我哋两个点识咖？ 哇！呢个问题勾起咗我好多回忆。我同老Ben先识咗半年，感情就已经深到识咗好耐咁。或者系双子座同水瓶座本身就合拍嘅原因。我哋相识嘅呢半年里面，真系发生咗好多事…我同老Ben都各自经历咗好多嘢，我哋呢个朋友圈都经历咗好多变化…首先系我同老Ben，然后泡芙、micheal…跟住米范、王文熙、锴锴…中间真系经历过好多好多…我唯一感到自豪嘅就系，我经历过咁多嘢嗰阵，尽管我霖到d好卑鄙下流、勾心斗角嘅方式去得到我想要嘅嘢，但系我冇咁做到。因为我觉得，我冇理由为咗自己嘅私欲去伤害其他人，睇见其他人受到伤害，我一d都唔会开心。就算我有快乐都好，我都要你同我一齐快乐，然后我比你更快乐！我好似讲到有d离题了…讲下讲下我嘅朋友又将学校里面嗰d人际纠纷拿埋嚟讲。

同埋我觉得，双子座，无论同边个拍拖都好，真系唔好同双鱼座拍拖。我觉得同双鱼座拍拖嗰阵，双鱼座简直撩交嗌。佢话想我星期六日留喺学校陪佢，但系我话星期六日要陪爸爸妈妈、嫲嫲，仲有我嘅朋友，等我星期日晚返嚟学校或者星期一返嚟学校我哋先再见都未迟。但系佢就话佢星期五返嚟，星期六日留喺学校自己一个人等我会好惨，想我返嚟。之后我就同佢明确我嘅状况，我嗰几个星期枕住陪朋友出街玩玩到好夜，霖住星期五返去陪爸爸妈妈，而且嫲嫲身体唔好需要照顾，我急需返屋企。而且我好挂住我班朋友，我班朋友都应该会挂住我，所以我一定要返去同佢哋聚一聚。所以我唔可以因为我哋两个喺埋一齐就忽略咗其他嘢。之后佢就话：咁你个个星期都会返去咖喇~系米就呢个星期陪下我都唔得先！ 你哋话佢系米逻辑有问题？我都讲得好清楚，我呢几个星期玩得太癫喇，霖住用呢个周末去做我呢个几个星期以嚟想做却一直冇机会做嘅事，而我都讲咗，我嫲嫲喺呢段时间身体出咗d小问题，我要返去探探佢。呢个时候我就觉得呢位双鱼座嘅小朋友实在太唔讲道理。之后我又要大费周章咁同佢解释点解今个星期要咁迫切返屋企。同埋双子座遇上双鱼座，真系秀才遇着兵，有理讲唔清。双鱼座个脑成日都get唔到双子座嘅意思，又成日误解完双子座讲嘅嘢之后再问点解。搞到双子座要花费一番唇舌纠正佢嘅误解之后再解释…而且解释完之后，佢哋仲会咁样评价你：你把口最叻咖喇！你点讲都得咖喇！我知道你最识讲嘢咖喇… 当下我真系好想一巴兜过佢com到佢嘴变形！好声好气同佢讲嘢佢同佢解释，证明我重视佢。点知佢仲整句咁嘅嘢嚟俾我叹下，我脾气好就唔理佢，就转话题喇。转话题又话我次次讲到呢个问题嗰阵又唔讲，唔顾及佢感受。我叼你老豆啊！讲你又唔明，唔明你又唔俾我再讲，我唔转话题嘅话可以点啊？同埋同双鱼座嘅人沟通，佢哋只会要你去照顾佢哋嘅感受，不理谁对谁错都好，佢哋都要自己觉得好过d之后先肯听你讲嘢。我就觉得呢种做法十分唔理智！你起码都要知道件事发生咗，究竟系咩回事！事情嘅来龙去脉都清楚嗮之后，咁边个对边个错就一目了然喇！我唔介意认错咖，我都唔介意去承认d咩。如果我真系做错咗，或者我真系辜负咗你嘅期望，我可以改，我可以为你去努力，我可以好好咁陪喺你身边照顾你，好好对待你。但系如果我同你讲事情而你一开口就要我顾及你感受嘅话，咁等你处理好你嘅情绪问题之后再嚟搵我喇。

我真系唔中意人哋咁感性，其实我本身都系性情中人，而且再理智嘅人都好，都会有感性嘅时候，每个人都有情绪，呢个我可以理解。但系，以事论事系非常之重要，我哋唔可以因为自己嘅情绪，而搵自己嘅感受去评理，除非对方做出嘅事情切实伤害到我哋。同埋双鱼座嘅人，佢哋嘅爱就好似排山倒海咁一个浪come埋嚟将你淹没。佢哋嘅爱系对对方无微不至，然后乜都为对方霖埋做埋照顾埋，跟住就好似要将自己整个奉献俾对方，又或者将自己整个融入对方咁。我叼啊！每个人都系独立嘅个体嚟咖！每个人都需要自己嘅私人空间与自由支配嘅时间。双鱼座要我每晚同佢煲电话粥，煲完先安心。而且佢话佢工作压力好大，同我倾一通电话佢个心会好过d。但系…每晚咁夜讲电话，我都攰到seo咁喇！我冲完凉睇阵电脑都而不得上床瞓教喇，我第日仲要上课咖大佬啊！而且每晚都倾电话，有咩话题讲姐！次次都系我搵话题，佢口才又唔好，我开个玩笑佢又当真，佢误会咗之后我又要解释，解释完之后我又要接话题，又时候我未反应到讲乜嘢嗰阵就用傻笑嚟塞住个空挡先，俾自己一个反应嘅时间。之后佢又问我点解傻笑，我话冇乜嘢。佢又问我：冇乜嘢你又笑得咁开心？ 我当时真系火都嚟埋！之后我就同佢讲，其实晚晚讲电话我都唔一定有嘢想讲，不如唔好晚晚倾，等我挂住你嗰阵，或者你又好挂住好挂住我嗰阵再打俾我都未迟，到时我哋仲多嘢讲，感情仲更加好喇！（因为每次同佢倾完电话之后我都冇时间睇《Nikita》，就要上床瞓教了）谁不知，佢居然同我讲：唔倾电话都得，但系我唔敢保证我对你仲有感觉。 太好喇！佢讲呢番说话已经触怒于我。金星落喺狮子座嘅人，容不得你半点威胁，霖住威胁我就可以逼我妥协？No way! 尽管我月亮守护天秤座，上升星座处女座，本身就系一个非常毒舌嘅人。但系由于我系一名心理咨询师，我出口伤人嘅方式唔会好似其他人咁讲粗口，或者用尖锐嘅词语评论你人格，我只会向你个心落毒。佢讲完呢句说话嗰阵，我就讲：哈哈！傻瓜，边有可能会咁容易冇感觉啊，我哋咁爱对方，又经历咗咁多嘢。如果我哋真系连咁深嘅爱都可以咁容易就冇感觉嘅话，咁呢段感情结束咗都系一件正确嘅事。 之后佢就话：你咩意思啊！ 我又笑住咁讲：哈哈！冇嘢，系咁讲姐，你仲识嬲未证明你对我仲有感觉，你仲好重视而家呢段感情咯。就算真系冇咗感觉都好，我哋都会千方百计搵返呢种感觉返嚟喇。你霖多咗喇baby。 哈哈哈哈！我呢番说话已经彻底令佢好无语，对于敏感嘅人嚟讲，我方才讲嘅呢番说话已经足够令佢哋嘅内心千疮百孔喇。

究竟我点解要讲分手呢？背后除咗性格严重不合之外，仲有千万种理由，喺呢度我都唔想讲喇，亦都唔想提及。或者每个人嘅人生，不论离合，为嘅都只系行一条正确嘅路。每一个选择都系关键嘅，冇人可以话俾你知未来会系点样，除非佢系占星师或者塔罗占卜师，先可以通过分析你嘅性格同之前嘅遭遇，去推敲你未来会面对咩人生课题，喺生活上会受到边方面嘅挑战，从而帮助你去有意识咁学习你最需要学习嘅嘢。

仲有，其实帮人哋占星嗰阵，我好唔开心咖。一开初我系霖住帮助佢哋发掘自身嘅优势，去面对成长嘅课题。但系佢哋居然将占星视为系“算命”…仲问我点先可以解决嗰d唔好嘅嘢… 其实，勇敢d喇，有d事情嘅发生，唔系为咗将我哋赶入绝路，而系需要我哋鼓起勇气去霖问题，用个脑去思考究竟点样去解决。同埋呢d嘢都系每个人嘅成长任务，要pass the mission我哋先有机会成长。希望大家以后都可以鼓起勇气，乐观面对生活，积极咁去面对自己嘅人生！